There was an error in this gadget

7/30/2010

حفل الزفاف

الليلة الـ 7:35 مساءا



الحادي عشر من الشهر الحالي







لم أعد أراه او اتجاذب معه اطراف الحديث



توقف عن المجيء



تركنى بعد ان كان يأتيني كل يومٍ



على وجهه ابتسامه



وقفت انتظره عند المدفأة



متشحةً برائحة العطر الذي اهداه لي



عطر الليـلك



*/



ولكنه لم يأتى اليوم



ولا البارحه ،،



،،



ولا اليوم الذي سبق







الاثنين 12:05بعد انتصاف الليل بدقائق في اليوم الثلاثين من الشهر السابق







اكاد أقسم أننى رأيتــه يمر من أمامي



مرتديا حُلَّته السوداء



وربطة العنق الفضية التى اشتريتها له



فارتداها رغم سخرية الجميع من



فجاجة اللون وعدم تناسقه مع الحُلّة







آه كم كان يبدو وسيما بهيأته تلكـ











الاحد التاسع والعشرون من الشهر السابق







اشعر بالوحدة الشديدة



افتقده حقا ،، كيف اضعته في لحظة قصيرة كتلك!!



اجلس ممسكةً بربطة العنق الفضية التى كان يرتديها يوم الحادثه







يا له من كابوس فظيع اعيشه











الجمعة السابع والعشرون من الشهر السابق



وقت الظهيرة







اقف عند قبره انظر الى وجهه



*/



أمسك بزهرة الليلك التى كان يهوى عطرها



وعزم ان نزرعها في بيتنا الجديد



،



معا























الخميس السادس والعشرون من الشهر



الساعه الحادية عشرة مساءا



وجدته يرقد بين ذراعي



ملقى على الارض



الكل يصرخ ،، وتعم في المكان الفوضي !



والدم ..!



افسد فستاني الابيض



لم استوعب ما حدث



لم لا يفيق؟؟ وكيف سقط ارضا؟؟



















الخميس السادس والعشرون من الشهر







الساعة العاشرة والنصف مساءا







وقفت ويده تمسك خصرى نلتقط صورة لنا



في حفل الزفاف







أشعر _ وانا انظر الى عينيه_



أنا امتلك العالم



كم اتشوق لأيامنا السعيدة معا!!



:):)


 لو ارجع لزمن الفيونكات
 والضفاير  بشرايط حمرا

 يااااه

 دانا كنت عملت عمااااااااااايل
!!!
:)))))))))))))))

7/29/2010

بطـــلى :)


 عندما يؤثر فيك شخص  ما

 بكلمة
  برسمة
  او حتى بابتسامه
  يظل اثره قابعا في ثنايا ذاكرتك 
 مصحوبا بقبصات صغيرة عن الماضي

 لقد كان لى عونا
 او كما اسميته بطلا !!  لقب يستحقه عن جدارة
 من عيوب شخصيتي اننى عندما  المس قطرة حزن أحيلها  الى بحر من الظلمات !!!
 وفي احدي المرات فعلتها

 فجاء هو
 راكبا  حصانا وحيد القرن
 من الوان قوس القزح    وجذبني  الى حقول من السكر
 تعلو فيها ضحكات الاطفال
 وضحكاته  المزعجة ايضا   لطالما احببتها :)

 فنان
 يجيد  فن االلهو  والبسمات


 كلما اذكرة  ترتسم على وجهى ابتسامه
 واشعر   وقتها حقا  انى  بذاك النقاء اللى  لطالما وصفني بــه !!  _ فقط حينها_

 دُمـــتَ  لي ذخرا!!

7/17/2010

إيـــ’ النظــــام؟؟

 هوا حصل ايه؟؟
 لماذا تسير الدنيا رأسا على عقب؟؟؟
 مر  شهر تقريبا  على رؤيتى  لحادثة  اتذكرها بكل تقزز واستنكار
 واحد طويل عريض وشنبه مترين   ماسك ابوه بيضرب فيه!!
 ودي نسميها ايه؟؟ قلة تربية؟؟  يبقى ابوه  هوا اللى غلطان

  بتحصل كتير مشاهد زي دي  يوميا    بس ياترى ايه السبب؟ العيب في مين
 في الاب او الام اللى هما الضحية في المشهد ده
 ولا في الولد العاق اللى ايده بتطول على حد المفروض يشيلة فوق كتافه

 تعالو نبصلها كده ..
 الاب   كان موجود بشكل ملحوظ في البيت عشان يربي ابنه  ولا  مكانش ليه اثر؟؟

 الام اللى  بتشوف كل المر على ابنها يكبر
 يا ترى علمته انه يحترمها وعرفته مدي قيمتها الكبيرة هيا ووالده  ولا دلعته   وقالت عيل وبكرة يتعلم؟؟
 بس اصله هايتعلم منين ولا من مين؟؟ اذا كان انتى و ابوه  كل دنيته   وبيئته اللى بيكتسف منها سلوكياته   وطباعه  اللى بعد كده بيتعود عليها ويطبقها في دنيتة  وحياته اليومية

 انا باكره وباحتقر اي  ابن  يتجرأ  ويمد ايده او يؤذي أحد والديه بشكل من الاشكال

 بس  هوا كمان ضحية!!
 ضحية التربية الخطأ  واسلوب   لسه الواد صغير بكرة يكبر ياخويا !!!!
 طب اهو كبر


 بالشفـــا
!!

أمنيتاتك ايه؟؟

 مين فينا مش بيتمنى ؟؟

   الامنيات تقريبا  بتحتل  معظم الوقت  في حياتنا
 لو في مشكلة بتتمنى   تلاقيلها حل
 لو شوفت حاجه عجبتك بتتمنى  تكون ليك
 لو عدي عليك واحد حاله عاجبك بتتمنى تبقى مكانه
 لما  تتعب بتتمنى تخف  لما تزهق بتتمنى  اي حاجه تحصل عشان تمشي الملل
 الامنيات مش لازم تكون بمعناها الكبير
 مش لازم تكون حاجه   ضخمة ومستحيلة التحقيق

  اتمنى ادخل الجنة

 اتمنى احج كل سنه
 اتمنى  اعيش مستقرة البال والخاطر

 اتمنى اعيش في مدينة فاضلة  مافيهاش كدب ولا سرقه ولا غش  ولا كل يوم نسمع عن حوادث اغتصاب ونهب ونصب  واغتيال

  اتمنى يكون عندي بيت صغنون بجنينة ازرع فيها  ويكون فيه بلكونة كبيييرة قوي


 اتمنى  يكون عندي بنتين وولد  ويكون ولد شقي كمان
  اتمنى  اعيش حياة هادية مع اولادي وجوزي ف المستقبل   ومايكونش فيها مشاكل


 اتمنى ماما ترضى عنى وعن اخواتى

 اتمنى  ما افترقش عن اي حد اقابلة   ف عمرى   لأن بتصعب عليا الذكريات قوي

 اتمنى اسافر واروح كل حته بره مصر وجواها

 اتمنى اشتغل صحفية ومهندسة وعالمة ذرة !!!!


 مين فينا بس مبيتمناش؟؟؟

7/15/2010

خالــد سعيد مين؟؟

خالد محمد سعيد

شاب مصري في ال28 من عمره

شاب عادي وبسيط زيه زي اغلب المصريين .. شاب في حاله ومش بتاع سياسه ولا هو معارض ولا حتى حزب وطني ،، شاب ماشي جنب الحيط بالأصح



في يوم خالد كان نازل سايبر النت اللي قصاد بيتهم في منطقة سيدي جابر – محافظة الاسكندريه

ويادوبك دخل السايبر ودخل وراه اتنين مخبرين كتفوه من ورا ونزلوا ضرب فيه وتخبيط في دماغه .. راح صاحب السايبر افتكرهم جايين يقبضوا عليه لأي سبب فخرجهم من السايبر ،، راحوا ساحبين خالد لمدخل العماره اللي قصاد السايبر ولأكتر من 20 دقيقه نزلوا ضرب فيه بالشلاليت والأقلام لغاية لما اغمى عليه .. وبعدين واحد فيهم مسك دماغ خالد ونزل رزع فيها في سلام العماره الرخام والدرابزين لغاية لما اتهشمت تماما



وراحوا شايلين خالد – زي الدبيحه – ولا حول ولا قوة الا بالله وراحوا رموه في البوكس وطلعوا بيه على قسم الشرطه وسط ذهول ورعب من المواطنين اللي شافوا الجريمه البشعه دي وماقدروش ينجدوه حتى ..



وبعد ما يقرب من 8 لـ 10 دقايق رجع البوكس ورموا جثة خالد في مدخل العماره ..

جات عربية اسعاف ماحدش يعرف مين اللي جابها وأمُر المسعفين بكتابة تقرير ان خالد مات مختنقا نتيجه ابتلاعه للفافتين حشيش وقفوا في قصبته الهوائيه ..



وجاء رجالات مباحث قسم شرطة سيدي بشر الى المنطقه ليس من أجل التحقيق وانما من اجل ممارسة كل انواع الضغط والارهاب على شهود الواقعه وأهل المنطقه لثنيهم عن الشهاده على الواقعه ..



لينك فيديو شهادة صاحب السايبر في الاعتداء على خالد ..



http://www.facebook.com/video/video.php?v=129423273753554&ref=mf





لينكات اللواقعه في الصحف والمواقع الاخباريه ..

http://www.youm7.com/News.asp?NewsID=239233&SecID=203&IssueID=117



http://www.masrawy.com/News/Cases/General/2010/june/11/police-violence.aspx



http://dostor.org/authors/11/51/10/june/10/18856

" مقال للدكتور أيمن نور أول من كشف الواقعه "



http://www.shorouknews.com/ContentData.aspx?ID=245294





وظل الاعتقاد السائد لفتره ليست بالقصيره أن سبب ماحدث لخالد انه اعترض على تفتيشه بشكل مهين

حتى بدأت تتكشف الحقيقه ..



في حوار بين د / أيمن نور ووالدة القتيل اخبرته انها تعتقد ان سبب مقتل ابنها انه حصل على فيديو يوضع ويثبت على رجال مباحث قسم شرطة سيدي جابر تجارة المخدرات .. وانها تشك في كونهم قاموا بقتله لاخفاء هذا الدليل الذي كان ينوي به فضحهم وفضح انشطتهم المشبوهه ..



لينك الفيديو المصور داخل قسم الشرطه يظهر بوضوح غرفة معاون مباحث قسم شرطة سيدي جابر ، وحوله عدد من المخبرين و امناء الشرطة النظاميين ، والضابط يضع أمامه كمية 80 كيلو حشيش وكميات من البانجو ، والأموال السائلة



.. الضابط يسأل عن مخبره السري "عوض" وهو الذي سبق ونشرنا من اللحظة الاولي عن مشاركته هو ومحمود الفلاح في إغتيال خالد !! ويقول الضابط كلاماًَ يفيد أنه إنتهي تواً من ضبط هذه الكمية الكبيرة من المخدرات والأموال !! لكنه بدلاً من تحريزها ووزنها ، واحالتها للنيابة هي والأموال المظبوطة حدث الآتي



.. يُظهر الفيلم الضابط وهو يعد الأموال المظبوطة بحوزة المتهمين ، ثم يشير بيده ليعد عدد الموجودين بالغرفة من رجاله ، ويعد نفسه معهم - ايضاً - في محاولة لتحديد نصيب كل فرد من فريقه في الأموال !! في تقسيم واضح للأموال المظبوطة بدلاً من تسليمها للنيابة ضمن حرز القضية !!



.. في مشهد آخر بذات الفيلم الفضيحة يظهر أحد المخبرين وهو يقتطع قطعة من المخدرات ويقول للضابط : " مبروك عليك يا باشا " !! ثم ضحك المخبر وهو ينصرف قائلاً : " سلام عليكم بقه " والضابط يرد عليه قائلاً : " استني خدلك واحده "!!



http://www.facebook.com/video/video.php?v=1323073124467&saved



http://www.youtube.com/watch?v=35t58GFfMbo






علّي صوتك يا بطل



مهما انجرح



خلي عيونك ع الأمل



رغم الفؤاد اللي اندبح



بكرة الحروف تطرح سنابل بالعمل



بكرة الألوف تخرج تهز بخطوها سمع الحياه



وتحس إن الحرف في الثورة نجح



ابعت حروفك قنبلة



حتى لو القاتل شبح





________________________________________________

من قصيدة علّي صوتك

للشاعر\اكرامى قوره





افتقد ذاك الاحساس بالسعادة الغامرة

 حينما اجلس ,اتأمل نفسي
 أنظر إلى  نفسي
 وما آلت اليه
 أجد اننى الان في ازهى عصور الملل 
أجد ان سعادتى مع من أحــب  تذوي  مع الريح 

 وهناك في زاويــة بعيــدة
 يقبع منقذى  من كآبتــى

 ولكننى لا أستطيــع أن اطاله

كل ما يسعنى هوا أن انظر اليه
 واستمد من  وجهه
 بضع بسمـــات
 تجلب لي السعادة
 كقرص مفعولة  يدوم للحظــــة
!!!!